Markmið e1 er að hraða uppbyggingu innviða fyrir rafbíla á Íslandi. Meginvara e1 er markaðstorg nettengdra hleðslustöðva fyrir rafbíla en einnig að veita ráðgjöf til einstaklinga, fyrirtækja og húsfélaga við val og uppsetningu á hleðslustöðvum. Netverslun e1 býður uppá fjölbreytt úrval af hleðslustöðvum og fylgihlutum frá öllum helstu birgjum landsins.

Snjallsímalausn e1 gefur rafbílaeigendum tækifæri til að fá upplýsingar um aðgengilegar hleðslustöðvar sem skráðar eru í kerfi e1. Eigendur hleðslustöðva geta boðið aðgang að sínum hleðslustöðvum í gegnum markaðstorg e1 og þannig haft tekjur af fjárfestingunni.

Eigendur hleðslustöðvanna geta verið ýmsir ólíkir aðilar ss. heimili, húsfélög, fyrirtæki og stofnanir. Þannig munu eigendur rafbíla hafa aukið aðgengi að hleðslumöguleikum og hvati fyrir eigendur hleðslustöðva að skrá sig í kerfið sem getur stuðlað að hraðari og hagkvæmari uppbyggingu nauðsynlegra innviða fyrir rafbíla.

Markaðstorg hleðslustöðva tryggir gagnsæi í verðlagningu sem eykur samkeppni á milli eigenda hleðslustöðva með tilheyrandi ábata fyrir neytendur. Með þessu fyrirkomulagi er líklegra að rafbílavæðingin verði hraðari en aðgengilegt og þéttriðið hleðslustöðvanet er forsenda hjá stórum hópi neytenda fyrir því að kaupa sér rafbíl.